Hai Pontes

TECENDO PONTES

doc — Wed, 17 May 2017 17:30:47 +0000

Onte demos por rematadas as xornadas Hai Pontes: Catro días para debuxar a radiografía dun oco. Como colofón destes catro días de análise, acción e debate, decidimos darlle remate á radiografía que levamos confeccionando durante este tempo para achegar as estratexias e alianzas coas que tender pontes entre as artes escénicas e o activismo social. Para isto démonos cita unha vez máis no Teatro Ensalle, onde nun debate que se alongou máis do esperado, falamos das pautas xerais que se poderían seguir para a creación dunha nova sociedade e unha nova cultura.

Péchanse estas xornadas que nos permitiron, a persoas e grupos de diferentes percorridos e latitudes, construír un espazo de debate e encontro para os mundos da cultura e o activismo social. Dúas caras dunha mesma moeda que teñen a obriga de se concebir simbióticamente se se pretende avanzar cara a unha sociedade e culturas máis xustas.

Iniciamos agora un novo camiño!! A vindeira meta é Hamburgo!! En xullo estaremos amosando o noso rexeitamento frontal ás políticas neoliberais do G20 que buscan beneficiar ás transnacionais por riba das persoas e o planeta!! “Somos moitxs!! Facemos moito ruído!! O mundo vai escoitarnos!!.

The post TECENDO PONTES appeared first on Hai Pontes.

UNHA RADIOGRAFÍA DO OCO

doc — Wed, 17 May 2017 17:22:17 +0000

Na terceira xornada de Hai Pontes. Catro días para debuxar a radiografía dun oco cambiamos o escenario á zona peonil do histórico barrio do Calvario para volver revoltar a cidade. O Treatro Trono voltou representar “El Matrimonio del Soldadito” para visibilizar unha crítica á violencia de xénero. Mentres Avelina Peréz rachou coa indiferencia do privado, as Ghatas Salvaxes fixeron unha homenaxe ás vítimas de Rana Plaza (“3564”), e xs vigueses de Teatro Ensalle e Anómico Teatro racharon coa monotonía da cidade cantando dende distintos puntos ao tempo que representaron unha performance na que se puña a proba un traxe invisible.

Ás 5 da tarde o café De Catro a Catro abriu as súas portas para que puidesemos presenciar a proposta de Trasluz Teatro, “Otelo: A farsa do fazzoletto”, unha farsa baseada na obra de Otelo de Shakespeare, que decorreu en dúas sesións. Continuando coas interaccións da tarde Teatro Trono representou por segunda vez “Arriba El Alto”. Con público renovado voltaron facernos atravesar a historia da súa cidade.

Para rematar este terceiro día, volvemos xuntarnos nun novo Punto de Confluencia, para seguir construíndo esa radiografía que precisamos para encher un oco que debe desaparecer. Desta volta somerxémonos nun debate no que tratamos como se produce a cultura e como se rexen as relacións das persoas dentro dela rematando o debate coa idea de fondo de como poñer en marcha a creación de contracultura. Puxemos na mesa a necesidade de crear un tecido estable, ou o interesante que pode ser compartir experiencias de realidades diversas.

Hoxe pecharemos as xornadas coa última interacción na mañá da man de Teatro Estepario (Teatro Estepario, 12:30 h) e co último Punto de Confluencia. Se estás interesadx non é tarde!! Achégate e participa da última xornada de Hai Pontes. Catro días para debuxar a radiografía dun oco.

Máis información:

https://www.facebook.com/events/1240489362665111/

https://pontes.ecoarglobal.org/

The post UNHA RADIOGRAFÍA DO OCO appeared first on Hai Pontes.

AS DÚAS BEIRAS

doc — Sat, 13 May 2017 02:50:29 +0000

Onte Vigo debuxou un cadro baixo a chuvia cheo de arte e reivindicación. Na segunda xornada de Hai Pontes. Catro días para debuxar a radiografía dun oco. diferentes grupos das artes escénicas invadiron a céntrica Rúa Príncipe e os seus arredores. Xs bolivianos Teatro Trono, achegáronnos dous actos que fan parte da súa Caravana Descolonizadora: “Hasta la Última gota” que nos somerxeu nunha loita por un dos dereitos máis elementais (a auga), e “El Matrimonio del Soldadito” unha crítica á violencia de xénero que adoita non non percibirse a simple vista. Avelina Peréz rachou coa indiferenza do privado expoñendo publicamente o seu “Deixádenos Comer Tranquilos”, as Ghatas Salvaxes tomaron a rúa para reivindicar o espazo público para as mulleres libre de violencia patriarcal, os grupos vigueses Teatro Ensalle e Anómico Teatro sacan da monotonía cotiá á cidade, botándose a cantar dende distintos puntos para crear un concerto desconcertante, mentres unha performance na que se puña a proba un traxe invisible pesquisaba aos transeúntes se vían a quen puña a proba dito traxe.

Xa pola tarde reunímonos no café De Catro a Catro onde, da man do Laboratorio Fantoche,, desfrutamos dunha sesión do teatro de monicreques (coa obra “Ni Pío”) e dun breve monólogo(“La Corona , la Espada y el Traje de Peluche”) que afonda nos medos cotiáns que temos e as “corazas” que nos contruímos para evitar afrontalos.

Como última interacción do día achegámonos á sala do Teatro Ensalle onde Teatro Trono ofreceunos “Arriba El Alto” que, a través das súas personaxes de distintas clases sociais, imbúenos, na cultura e cotidianidade da cidade de El Alto e como foi mudando co paso dos anos, facendo a súa vez remexer as conciencias das persoas que asisten a este espectáculo.

Xa no final desta segunda xornada de Hai Pontes abrimos un novo punto de confluencia onde seguimos afondando no oco que hai entre o mundo da cultura e o activismo social. O debate xirou en torno á sociedade e a cultura, pero nesta ocasión afondamos no que significan, as distintas formas de construírse e a relación existente entre elas. No debate profundamos nas distintas realidades organizativas e sociais, ademáis das extratexias para achegar a cultura a sociedade e viceversa.

Hoxe continuamos coas xornadas!! Desprazámonos ata o paseo do Calvario para desenvolver diferentes interaccións e logo Trasluz Teatro (De Catro a Catro, 17:00) e Teatro Trono (Teatro Ensalle, 19:00), serán o camiño a seguir ata un novo punto de confluencia onde o debate volverá percorrer a sala.

Máis información:

https://www.facebook.com/events/1240489362665111/

https://pontes.ecoarglobal.org/

The post AS DÚAS BEIRAS appeared first on Hai Pontes.

HABITANTES DO OCO

doc — Fri, 12 May 2017 02:47:49 +0000

Hoxe botou a andar Hai Pontes. Catro días para debuxar a radiografía dun oco. Dende hoxe e ata o vindeiro sábado iremos afondando no papel das artes escénicas para mudar “o social” e o do activismo para a mudar “o cultural”, ao tempo que buscaremos tecer alianzas entre ámbolos dous mundos.

Hoxe ás 17:00 o Teatro Ensalle de Vigo acolleu o primeiro dos catro espazos de debate que se realizarán estes días. Desta volta, o punto de confluencia, centrouse en como se levan adiante os procesos de construción social activa e cal é o papel que xogamos cada un e cada unha de nós na sociedade. Comezamos cuestionándonos ata que nivel o contexto inflúe á hora de construír a sociedade; continuamos compartindo os diferentes xeitos de incidir sobre o espazo público; experiencias diversas sobre a interacción cultural e social; e remexemos nos prexuízos que todxs temos á hora de activarnos.

Mañá pola mañá as xornadas desprázanse á rúa do Príncipe dende as 11:00. Teatro Trono, Anómico Teatro, Teatro Ensalle ou Avelina Pérez, percorrerán as rúas e espazos que orbitan ao redor da mesma a través de diversas formas de interacción. Xa pola tarde Laboratorio Fantoche (De catro a catro, 17:00) e Teatro Trono (Teatro Ensalle, 19:00) achegarannos a súa ollada sobre a realidade. Despois da representación do Teatro Trono terá lugar un novo punto de confluencia que buscará analizar as relacións que se establecen entre cultura e sociedade. Animámosvos a achegarvos para continuar debuxando a radiografía do oco!!

Máis información:

https://www.facebook.com/events/1240489362665111/

https://pontes.ecoarglobal.org/

The post HABITANTES DO OCO appeared first on Hai Pontes.

Cancelación da actuación de Beehive

doc — Mon, 08 May 2017 21:15:12 +0000

Por razóns técnicas vémonos na obriga de cancelar a actuación de Beehive que estaba prevista para o día mércores 10 de maio ás 20:30 no Café De Catro a Catro, agardamos poder colaborar con elas noutra ocasión. Lamentamos os inconvintes que isto poida causar.

The post Cancelación da actuación de Beehive appeared first on Hai Pontes.

3564

doc — Sun, 07 May 2017 18:28:58 +0000

Rana Plaza Somos Todas! E ten nome de muller. Homenaxe ás vítimas do derrube en Abril de 2013 do edificio Rana Plaza (Savar, Daca-Bangladés). Unha denuncia á explotación na industria téxtil.

Interprete/s: As Ghatas Salvaxes

Hora: 11:00

Data: 11 de Maio

Lugar: Zona Rúa Príncipe

Zona Rúa do Príncipe

Mostrar mapa incrustado en modo de pantalla completa

The post 3564 appeared first on Hai Pontes.

HASTA LA ÚLTIMA GOTA

doc — Sun, 30 Apr 2017 19:22:15 +0000

A obra teatral “Hasta la Última gota”, relata a historia universal de grupos opostos, polas súas condicións, as súas preocupacións,os seus dereitos e polo tanto pendente o un do outro. Así oligarcas e veciños van a loitar entre eles ao redor dun tema: o auga. Entre estes mundos moi distintos, sen embargo, cego un do outro, o neno do barrio aparece a fin de fuxir destes pesadelos modernos. A presencia da infancia vai a suxerir a crueldade dos poucos moi ricos e a debilidade dos moitos moi pobres. Ao mesmo tempo propón a fortaleza que nace desa debilidade e a debilidade de esa suposta fortaleza.

Recibe o abrazo que preparamos para ti, cando os corpos de estes activistas culturais súen hasta a última pinga de esforzo e expoñan como os defensores do futuro defenderon o ben máis común e cada vez máis escaso de todos, hasta a última pinga do seu sangue, para que desfrutemos da auga bendita da comunidade hasta a última pinga.

Interprete/s: Teatro Trono

Hora: 11:00

Data: 11 de Maio (Rúa Príncipe) e 12 de Maio (Calvario)

Lugar: Zona Rúa Príncipe e Zona Peonil do Calvario

Zona Rúa do Príncipe

Mostrar mapa incrustado en modo de pantalla completa

Zona peonil Calvario

Mostrar mapa incrustado en modo de pantalla completa

The post HASTA LA ÚLTIMA GOTA appeared first on Hai Pontes.

EL MATRIMONIO DEL SOLDADITO

doc — Sun, 30 Apr 2017 19:10:30 +0000

Unha crítica á violencia de xénero establecida na nosa sociedade, que a simple vista pasa desapercibido. Entre sátira e critica Teatro Trono, somerxe ao espectador a un xogo de roles. Un matrimonio xoven onde empeza a vivir unha relación de recen casados, por algún motivo a parella cambia paulatinamente ata entrar a un acto de mal entendidos.

Un homenaxe a unha do noso escritor boliviano Antonio Paredes Candía, que soubo levar ás letras mitos e costumes relacionados coa nosa vida popular de migracións campesiñas e mineiras.

Interprete/s: Teatro Trono

Hora: 11:00

Data: 11 de Maio e 12 de Maio

Lugar: Zona Rúa Príncipe e Zona Peonil do Calvario

Zona Rúa do Príncipe

Mostrar mapa incrustado en modo de pantalla completa

Zona peonil Calvario

Mostrar mapa incrustado en modo de pantalla completa

The post EL MATRIMONIO DEL SOLDADITO appeared first on Hai Pontes.

ENTRE ABALADAS

doc — Fri, 28 Apr 2017 21:15:20 +0000

“Entre Abaladas” Instalación permanente. “Aínda temos a forza suficiente para resistir a viraxe do timón ante a inmensa ola que augura a caída final. A trasgresión é unha condición necesaria para a liberación. Arte é Acción” (Augusto Boal)

Interprete/s: Gravidade 0.0 (Colectivo de Creación)

Hora: 0:00

Data: 10 de Maio

Lugar: Teatro Ensalle

Teatro Ensalle

Mostrar mapa incrustado en modo de pantalla completa

The post ENTRE ABALADAS appeared first on Hai Pontes.

E TI QUE MIRAS?

doc — Fri, 28 Apr 2017 20:46:01 +0000

Okupar as rúas, facelas nosas, sentilas libres, posicionar o noso corpo-campo de batalla no espazo do crime, do insulto, da violación dos nosos dereitos para nomealo e reivindicar o contra-ataque. Corpos de resistencia contra un patriarcado que lanza todos os días mensaxes para lembrar que o noso corpo é propiedade pública. Mais nós, dende a sororidade, seguimos en pé de loita para fortalecer a resistencia transformándoa en re (existencia)

Interprete/s: As Ghatas Salvaxes

Hora: 11:00

Data: 11 de Maio

Lugar: Zona Rúa Príncipe

Zona Rúa do Príncipe

Mostrar mapa incrustado en modo de pantalla completa

The post E TI QUE MIRAS? appeared first on Hai Pontes.